سلاااااامون عليكون ياقميييلين
والله بمناسبة قرب السمبوسه والشوربه المدمره على كرشتي المحترمه
فقد قرقرت انا ببلاعمي وكراعيني شخصيا
ان .............. << مشفررر لايترحل
ان اخربط قبل يجي رمضان لان الشياطين تصفد ههههههههه << كان وده يقول يحشش ...
طبعاً هالموضوع سامج فاشل .. لكن ابجرب مهاراتي وبزيد مشاراكتي وش دخلكم
لكن متأكد ميه بالميه انه سامج وكل واحد ييجيب زباله جنبه ونتم بكرامه عشان لاجاه شيء ولا
شي منا ومنا طالع نازل بووووووووع هوووووووووووع ...>> يحوووم تسسبدك
الزباله قريبه ... نيهاهاهاهاهاهاهاهاهاها
يعني معقـوله صحيح ... المنتدى نـايم ,, طيب ليـه ؟؟
نقول بالصيــف .. والنــآس مسآفرين ,, ولا منقطعين
يعني معقوله حتى وصل من المشرفين والاعضاء الكبار مايدخلون ..
أمثال : جوزيف ... حسو ... طفشان ....اميرة الحور... سارونه ..... مدعوسه ... ملوحه ...
طيب لو كل واحد اعتمد على الثاني
كان والله مايصير بالمنتدى الا كل يوم مشاركه
يوم من شموخ ويوم من ريماس ويوم من المطنوخه.. ولايهونون البآقين
طيب انا حسيت اني لازم س وي شيء قمت ياطويلين العمر طفشآن المهم يوم قمت
الا غرفتي طبعا ضلام كالعاده يعني وش تغير الزبده .....مادريت عن نفسي الا حنا رآآآآآآآآقين جبل .. وشلون ..
وش السالفه طبعاً انا مدري المهم ان معي ناس والله مدري منهم
الزبـده وحنا طالعين للجبل الي فيـه نآس يصوتون بالجهه الثانيه يالي هنااك ياهوووه ياهل نجد ...
وانا الي التفت وش السالفه قالوا معليش يابيـه هو رمضان بعد بكرى .. قلت وشوووو ..
رمضان بعد بكره؟؟؟ .. اقول انقلع بس ..
قال ايوه ياباشا هو انتا نآسي ان اليوم الإثنين 28\8\1431هـ قلت يوووووووه الله يرحم امن جابتك والله اني ناسي
المهم مالكم بالطويل .. وحنا الي نويق على الجماعه الثانين الا ونلقاهم كل واحد ماسك منظار وتلسكووب
وهم ينآظرون فوق وحنا ماغير مبققين عيونا نشوف السماء نحتري القمر يطل علينا ..وحنا نقول
.( وينك ياقمر اطلع ياحلو .. ياهوه يالمزيون اطلع ..) لكن استنتجنا انه صار يتغلى علينا..
الزبده انا رجعت البيت امي ماتناديني الا بالرشاش طبعاً ماهنا جوالات هذيك الايام ...
طبعا اذا اطلقت امي الفشقه الي تولع خلاص يعني امي تبييني (( لحد يجيني يقول وشلون فيه رشاشات ولافيه جوالات )
المهم مالكم بالطويله وانا الي اروح لأمي .هاه يمه . وش تبين .. قالت قل سم سم الله منيب قايل ( بسم الله علي ))
قلت افا يامي تدعين علي وانا الي حشاشه جوفك .. قالت انت حشاشتن فاسده لابارك الله فيك
قلت اافااا يامه وانا الي انجطل عند رجليها واحبب رجليها ومن زود الحماس ..
قعدت اكل من تراب رجليها <<-- متوحم بتراب .. وهي الي تشوتني مع وجهي قم انقلع فيذاك يالمهبول
احد ياكل تراب قلت يمه انا اكل تراب رجلينتس يعني اكل تراب الجنه .. <<-- ياشين الوسوسه
تخبرين ياميمتي ودي اروح للجنه وانتي بس لو ترضين علي ابصير اسعد انسان بهالديره ..
قالت طيب يصير خير
رح شف ام علي الي باخر الحاره .. عندهم قشـده يله هذي 20 قرش رح جب لنا .. عشان نفطر عليها برمضان ياوليدي
تخبر رمضان يبي يصير عقب باتسر ولا عقبه .. يله ياوليدي المهم وانا الي اطلع واروح
قلت يابو جحلط ورى ماتروح تشوف ربعك الي بالجبل .. وانا الي انقز واركب حماري <<شوفوا البنتلي حقه بس ....
واروح اشوف الا ربعنا وربع سعاده الباشا متسحدين ذولا بعيونهم وذولا بدرابيل ..
قلت الله يخلف بس ..المهم وارجع لبيت ام علي ..
وانا اطق باب البيت طـق طـق طـق .. المهم يوم جآني ذاك الصـــوت النآآآآعم ... هلا من عند الباب
يوم قام قلبي يرقل يرقل .. انا انا فارس ولد ام فارس ..
الي شرى ابوهم سياره قبل امس <<-- يقاله يبي يشخص الحين .....
المهم وانا احتريها تفتح البـاب .. سبحان الله بغيت اطررش يوم شفت البنت ...؛<<-- توقعتوا اني ابخق صح...؟؟
على بالكم اني خفّيف خخخخ .. المهم .. طلعت سوداء مثل هوافه الله يحوم تسبـدها وانا الي تحوم تسبـدي
حتى من قشـدتهم ( ترى اعرف اقول قشطـه )... بس الحين باقي ماوصل التلفزيون الملون لعندنا ....
المهم وانا الي اروح لامي زعلان ... انتي وشلون ترضين توكلينا من ذولا
ماتخافين بكره اموت واانا ماعرست .. ولا يجيني شيء ..
انتي تدرين انها تسوي القشده ويديها كلها حنا يعني افرضي صرنا ناكل حنا ..
يعني مايجينا شيء وانا الي اتكلم وانا فآهي مادريت الا بالمـلآآآس جايني يترآقل بالهوى
دردب على دميجتي .مادريت الا وانا طايحن ادور غترتي ابطلع بس هههههههههه
المهم وانا ضايقتن بي الدنيا مدري وين اروح وانا اطلع يمين يسار من عاير لعاير ..
قلت ياولد ادخل السوق بس
شف .. المهم ادخل واشوف من هنا من هنا .. واذكر اني موزي لي 1 ريال ونص
واني ابي استثمرها ياولد يابو جحلط وش الحل وش السوات ... وين اروح وامي زعلانتن علي ..
وذولا رايحين يشوفون الهلال طلع ولا ماطلع
المهم وانا الي اصمل واررررررروح لهم .. واتسدح معهم واناظر واطل واويق والله مالقينا شيء
فجآه كذا بقووه .. طـق طـع طـق طـع ... يوووه بسم الله وش السالفه
قم ياولد واناظر الا وانا مجنطـل بفراشي واشوف ركب يمين يسااار من ابوي قم صل لابارك الله في خشتك ......
وانا اللي افز من نومي واقول يبه ليش تخرب حلمي انا ولدك ليش يايبه واروح لزاويه الغرفه واقطع ثيابي ....
واسوي فيها رومنسي وابكي <<عباله بيحنن قلب ابوه ....
وابوي يجي لمي بيحضني وانا اللي مسوي ابتغلى
اشوفه مطلع المعصاد حق الجريش وطررررراق بخشتي لحد ماكحيت ....
ورحت اصلي فجر برجل وحده لان الثانيه
نسيتها بالمغسله يوم اتوضأ من الوهقه اللي فيني
وخلصت الحتوته
ملاحظه **
ادري سارونه بتقول هلاآدمي كل تحشيشاته نهايتها احلاااااااام
وانا ارد عليها كما قال الشاعر الألماني : عطيه (ان من الحب مايجعلك تحلم اخر المطاف )
المهم مايستفاد من الموضوع
* ان الجماعه الي يناظرون بتلسكوب طلعوا مصر .. وان الي يناظرون بالعين حنا ..
مادري يعني وش المانع لو يكون التطور مساعد في نظره الهلال
* الرشاش الي تناديني فيه امي .. انه وانا جنبها تصووت لي
الي في برشلونه باسبانيا يسمعونها
* ان السوداء الي باعتني القشطه .. طلعت شغالتنا لابارك الله فيها وهي تلف السمبوسه
<< والله محش قوي جاك ياهوافه .... نيهاهاهاهاهاهاهاهاهاها
* اني يوم استدح عند رجلين امي .. يجب على الاانسان يرضي والديه باي طريقه كانت
( يقاله يبي يصير مقدم برنامج ديني )
* الاستثمار برمضان بالصدقه ... بحيت لاتدري شماله عن ماتعطي يمينه
الزبــده برمضان .. الحلم يقولي
ان بعد بكره موب رمضــان .. واول يوم من رمضان الخميس وخلونا نشـوف حلم باتسسسر
يصيب ولا يخيب....
الله الله الردود السننننننعه
لكــــــــم ودي....